Helburu orokorra:

Ikasleek interakzioaren bidez animaliak eta hauek osatzen duten sare trofikoa ezagutzea eta barneratzea.

Ikasleen abiapuntua ikertu:

Klasean eztabaida bat sustatu. Beraiengan suertatzen diren erreakzioak behatu eta aztertuz, hortik abiatuta gure sekuentziaren planteamendua moldatzeko.

Haurren jakin nahia piztu:

Uste dugu haurrentzako motibagarria eta aberasgarria izango dela sekuentzia didaktikoan zehar erabiliko dugun materiala eta baliabideen eraikuntzan parte hartzaile nagusi izatea. Era honetan, umeen inplikazioa indartuko dugu.

Horretarako teknologia berriak erabiliko ditugu, http://en.origami-club.com//animal/index.html web orrian aurki dezakegun papiroflexia programa kasu.

Ikasleak prozesuaren arduradun eta ardatz nagusi direla sentitzeak ikasteko nahia piztuko die.

Erakutsi zein den helmuga:

Gure asmoa, haurrek bizi zikloa eta animalien sare trofikoa ezagutzea izango da, beren inguruko errealitatera gehiago hurbiltzeko.

Errubrika:

Ibilbidea diseinatu:

- Egin beharreko ekintzak

a) Lehenik eta behin, ikasleen ezaguera mailaz jabetzeko gaiari buruzko eztabaida planteatuko dugu klasean.

b) Jarraitzeko, ordenagailu gelara joango gara, eta bertan, http://en.origami-club.com//animal/index.html web orritik bakoitzak papiroflexia bidez egingo duen animalia hautatuko du.

d) Programak proposaturiko pausuak jarraituz, ikasle bakoitzak bere animalia eraikiko du.

e) Behin eskulanak bukatuta, haurrek dagozkien animalien rolak betez interaktuatu beharko dute.

f) Ariketa bukatzean, ondorioez hausnartuko dugu. Adib.: katuari esango diogu ea zer gertatuko litzatekeen sagu guztiak jango balitu…

Hausnarketaren helburua, sare trofikoak ziklo bat betetzen duela azaltzea izango da eta hautsi ezkero oreka galtzen dela.

g) Hausnarketa egin ondoren ikasleei ikasitako sare trofikoaren kontzeptua komiki baten bidez adieraztea eskatuko zaie.

- Erabili behar diren errekurtsoak

• http://en.origami-club.com//animal/index.html programa informatikoa.
• Errekurtso materialak:
• Papera
• Margoak
• Ordenagailuak Interneterako sarbidearekin.

- Denboraren kudeaketa

Ordubeteko lau saiotan banatuko ditugu eginkizunak.

1.- Eztabaida eta animalien aukeraketa lehenengo saioan burutuko ditugu.

2.- Bigarren saioa adierazpen plastikoa landuz animaliak egitera bideratuko dugu.

3.- Segidan, ordu erdi inguru izango dute ikasleek gainontzeko animaliekin interaktuatzeko eta beraien sorkuntzaz gozatzeko. Saioaren bigarren tartean, atera dituzten ondorioak plazaratzeko eta osatzeko unea izango dugu.

4.- Azken saioan, komiki batetan ikasirikoa islatzea eskatuko zaie, horretarako hainbat animalia erabili beharko dituztelarik.

Egileak: Ander Lopez, Mikel Nieto eta Erlantz Olealdekoa

Helburu hezitzailea:

Google maps gauza askotarako erabili daitezke, bai lekuak bilatzeko, bai lurraldeak ezagutzeko, bai eskalak lantzeko, bai bizi zaren lekua hobeto ezagutzeko...

Guk egindako ariketa honen helburua da ikasleak jakin dezan non bizi den.

Ariketa honen bitartez ikasleak ikusiko du bera bizi den lekua beste eremu askoz ere handiago baten barruan kokatzen dela.

Landutako gaitasunak eta horren zergatia:

Lehenengo eta behin guztietan landutako teknologia berriak erabiltzeko gaitasuna aipatu behar dugu.

Ondoren gizarterako eta herritartasunerako gaitasuna ere lantzen dela esan dezakegu, haurrak ikusiko baitu bere burua mesprezagarria dela lurralde osoaren tamainarekin konparatuta eta horrela jakingo du talde handiago baten parte dela.

Autonomiarako gaitasuna ere landuko da, haur bakoitzak bere etxea bilatu behar izango duelako.

Nori zuzendua:

Lehen Hezkuntzako laugarren, bosgarren eta seigarren mailako haurrentzat egokia izan daiteke, gure ustez hori baino lehenago lantzea zail samarra izango delako.

Mailaren arabera gauza ezberdinetarako erabili daiteke.

Dakarren abantailak:

Haurra programa honen bitartez gauza asko ikasi ditzake, adibidez mapak egiten, eskalak lantzen, lurraldeen izenak eta kokapena...

Erabili beharreko errekurtsoak:

Ordenagailua internet sarbidearekin.

Helburu hezitzailea:

Scratch programaren bitartez hainbat helburu lortu daitezke, beti jorratuko dugun gaiaren arabera.
Gure kasuan haurrak Euskal Herriko probintziak eta haien Hiriburuak ikastea izango da.

Landutako gaitasunak eta horren zergatia:

Beste bitartekoetan bezala, hemen ere teknologia berriak tratatzeko gaitasuna landuko da, programa honekin ibiltzeko ezinbestekoa delako ordenagailua eta internet era egokian erabiltzea.

Honetaz aparte autonomiarako gaitasuna ere jorratu daiteke, haur bakoitzari bere Scratch propioa egitea esaten bazaio.

Gure kasuan geografiarako gaitasuna landuko da, haurrak bizi diren lurraldearen izenak ikasi behar dituztelako.

Nori zuzendua:

Gure Scratch-a bigarren edo hirugarren mailako ikasleei zuzenduta dago, baina Scratcha erabilera klasean jorratzeko, hori bosgarren edo seigarren mailan sartuko genuke.

Dakartzan abantailak:
Eduki ezberdinak ikasteko modu ezberdin, berri eta interesgarri bat denez haurrak motibatuta edukiko ditugu.

Erabili beharreko errekurtsoak:

Ordenagailua interneterako sarbidearekin.

Helburu hezitzailea:

Guk egindako komiki honetan natura zaindu behar dela irakasteko egina dago. Natura zaintzearen garrantzia ikasleek ikustea da komiki honen helburua, baina noski, programa honen bidez hainbat eta hainbat komiki egin daitezke eta hortaz, egiten dugunaren arabera helburuak aldatzen joan daitezke.

Gure komikia alde batera utziz eta Pixton programaren helburua aztertzen badugu, esan dezakegu hau ikasleak komikiaren munduan sartzea eta honen bidez euren imajinazioa garatzea izan daitekeela.

Landutako gaitasunak eta horren zergatia:

Argi eta garbi ikusten da bitarteko honen eta guztien bitartez, teknologia berrien erabilera lantzen dela eta autonomiarako gaitasuna ere lantzen dela begi bistakoa da, haurrak saiatuko direlako bakoitzak bere komikia egiten.

Hauetaz aparte komikiaren gaiaren arabera gaitasun bat edo bestea landu daiteke, baina guztietan landuko den gauza bat hizkuntza da, irudiak egiteaz aparte elkarrizketa ere ezinbestekoa delako komikietan.

Nori zuzendua:

Lehen Hezkuntzako edozein mailatako haurrentzat egokia izan daiteke. Komikiak irakasleak lantzen baditu gero klasean erakusteko lehenengo ziklorako egokia gertatuko da eta ziklo honetatik aurrera haurrak euren komikiak egiteko gai izango dira.

Dakarren abantailak:

Haurra programa honen bitartez komikiak ezagutuko ditu, hauek egiteko pausuak, zailtasunak...

Erabili beharreko errekurtsoak:

Ordenagailua internet sarbidearekin.

Aukeraketaren zergatia:

Bideo hau aukeratzea interesgarria iruditu zaigu, denok dakigun bezala, edozerk gauza abantaila eta desabantaila batzuk dituelako eta horrela guk teknologia berrienak ikusi ondoren, hauek onuragarriak diren edo ez pentsarazteko.

Iruzkina:

Bideo honetan, besteetan ez bezala, teknologia berrien desabantailak ere aipatzen dira, eta hauek jakitea edo ezagutzea ere interesgarria da teknologia berrien inguruan informazio gehien izateko eta horrela haietaz daukagun iritzia era batean osatuagoa izateko.

Abantailak ere aipatzen ditu,adibidez bizitza errazten digutela, baina gure ustez testu honetan gehiago goraipatzen dira desabantailak.

Hasiera batean teknologia berrien desabantailak argi ikusteko gaur egungo eta lehengo haurren artean konparaketa bat egiten digu, ikusi ahal izateko gaur egungoak euren artean askoz gutxiago erlazionatzen direla eta denbora gehiago ematen dutela etxean bakarrik jolasten. Aldiz lehengo haurrek kalera gehiago ateratzen zirela esaten du eta etxean egotean ere bideojokoekin egon beharrean jolas tradizionalekin zeudela.

Gure ustez guzti hau egia da modu batean, baina pentsatzen dugu aldaketa hau ez dela teknologia berriengatik soilik gertatu. Aldaketa honetan gurasoak badaukate erantzukizun handia. Egia da teknologia berriekin jolasean geratzen direla haurrak etxean, baina gurasoek bere seme-alabak zertan diharduten jakin behar dute eta behar denean kalera lagunekin jolastera bidali behar dituzte. Haur bat ordenagailu aurrean egun osoa egotea ez da teknologia berrien errua, baizik eta bere gurasoen desatentzioaren ondorioa.

Gure ustez bideojokoak noizbehinka haurrak entretenitzeko onuragarria izan daiteke eta ordenagailua informazioa eskuratzeko, baina gauza guztiak bezala neurri egokian hartzen baditugu onuragarriak izango dira, baina kantitate handitan hartuta erabat ezegokiak gertatuko dira.

Laburbilduz, esan dezakegu egia dela teknologia berriak abantaila asko eta desabantailak dituztela, baina desabantailak zuzendu daitezkeen gauzak direla.